İran İslam İnqilabı Keşikçiləri Korpusu Sepah-ın quru qoşunları komandanı ölkənin şimal-qərbində bir silahlı terrorçu dəstənin məhv edilməsindən xəbər verib.

General-mayor Məhəmməd Pakpur bu gün deyib: Bu əks-inqilabçı terrorçu dəstə təxribat törətmək məqsədi ilə İran ərazisinə daxil olmağa çalışıb. Amma, Sepah-ın quru qüvvələri Qərbi Azərbaycanın sərhəd məntəqəsində bu dəstəni məhv edib.

General-mayor Pakpur həmçinin deyib: Sepah-ın quru qoşunları bu əməliyyat zamanı 2 silahlı terrorçunu öldürüblər.

Sepah-ın Quru Qoşunları komandanı əlavə edib: Bu əməliyyat zamanı 4 silahlı terrorçu da yaralanıb və terrorçulara məxsus külli miqdarda silah, hərbi sursat və təxribatçılıq üçün lazım olan təchizatlar aşkar və zəbt edilib.