Ruhani: ABŞ-ın ƏMTP-dən çıxmasının onun üçün ağır xərci olacaq
İran İslam Respublikası prezidenti deyib: Amerikanın Əhatəli Müştərək Təşəbbüs Proqramından ehtima üzrə çıxması bu ölkə üçün ağır xərclərə gətirib çıxaracaq.
İRİB-in verdiyi məlumata görə, Birləşmiş Millətlər Təşkilatının Baş Assambleyasının 72-ci sessiyasında iştirak etmək üçün Nyu-Yorkda səfərdə olan İİR prezidenti Həsən Ruhani bu gün Amerikanın CNN telekanalına verdiyi müsahibədə İranın ABŞ-ın ƏMTP-dən ehtimal üzrə çıxmasına reaksiyası barədə verilən sualı belə cavablandırıb: Hesab etmirəm ki, amerikalılar belə bir xərci ödəmək istəsinlər, həm də ona görə ki, belə bir hərəkətin onlar üçün səmərəsi olmayacaq.
Ruhani deyib: Belə bir ehtimali hərəkətin nəinki Amerika üçün faydası olmayacaq hətta eyni zamanda dünya səviyyəsində Amerikaya qarşı etimadsızlığın formalaşması və güclənməsinə gətirib çıxaracaq.
İran İslam Respublikasının prezidenti deyib: Hal-hazırda Vaşinqton Şimali Koreya məsələsi ilə məşğuldur və nüvə sazişindən çıxarsa Ş.Koreyaya ABŞ ilə razılaşmağa ümidvar olması üçün verə biləcək bir təzminat qalmayacaq.
İran ilə 5+1 qrupu (Rusiya, Çin, Britaniya, Fransa, ABŞ və Almaniya) arasında nüvə razılaşması 2016-cı il yanvar ayından icra edilməyə başlanıb və ABŞ dövləti bu qrupun üzvlərindən biri olaraq daima bu razılaşmanın icrasını əngəlləməyə cəhd göstərir.
