SAHAR

İran İslam Respublikası prezidenti bu gün regionda terrorizmin əsas təməllərinin dağıldığını bildirərək deyib: Dünya gücləri, zalım qüvvələr və sionizmin region xalqlarına qarşı hazırladıqları böyük planın böyük hissəsi puça çıxarıldı.

Həsən Ruhani bu gün Tehranda keçirilən 31-ci beynəlxalq islami vəhdət konfransında etdiyi çıxışında böyük islam peyğəmbəri Həzrət Muhəmməd Müstafanın(s.ə) və İmam Cəfər Sadiqin (ə) viladətinin ildönümü gününü və islami vəhdət həftəsini təbrik edərək deyib: Regionda terrorçuların və onların bütün ünsürlərinin tam məhv olunmasınadək terrorizm ilə mübarizə davam etdiriləcək. 

Ruhani müqavimət döyüşçülərinin regionun və dünyanın təhlükəsizliyi və sabitliyinin təmini sahəsində böyük paya malik olduqlarını bildirərək deyib: Təəssüflər olsun ki, beynəlxalq təhlükəsizlik və sabitliklə maraqlananların terrorizm qarşısında müqavimət sırası döyüşçülərinə təşşəkkür etmələri gözlənilərkən onlar bu cəbhəni zəiflətmək və ona qarşı plan həyata keçirmək niyyətindədirlər. 

İİR prezidenti bəzi region ölkələrinin sionist rejim ilə dostlaşmaq və müqavimət cəbhəsinə qarşı düşmənçiliyini aşkar etməsinə toxunaraq deyib: Alimlər, ziyalılar və gənclər müqavimətlə düşmənçilik kimi nəhs planın nəticə əldə etməsinə imkan verməyəcəklər. 

Ruhani super güclər və sionizmin regiona qarşı ən böyük xəyanətinin fürsətlərin itirilməsi, region ölkələrinin inkişafı və abadlığının qarşısının alınmasından ibarət olduğunu bildirərək deyib: Amerikalılar, dünyanın zalım qüvvələri və sionistlər regionda xalqlar qarşısında cavabdeh olmalıdırlar ki, nəyə görə onların övladlarını  öldürdülər? Niyə onların mədəniyyət əsərlərini dağıtdılar və region ölkələrini xarabalığa çevirdilər? Nəyə görə Yəmən xalqına qarşı istifadə edilmək üçün bombalar verirlər? Niyə Afrikanın şimalında məkirli planlar həyata keçirdilər və hələ də davam etdirirlər?