Xoşru: Təhlükəsizlik Şurasının sanksiyaları yanlış məlumatlar və ya ehtimallar əsasında olmamalıdır
İran İslam Respublikasının BMT-dəki daimi nümayəndəsi deyib: Təhlükəsizlik Şurasının sanksiyaları son çarə hesab edilməli və aydın dəlillər, tutarlı faktlara əsaslanmalı, yanlış bilgilər və ehtimallara söykənməməlidir.
İRİB-nin verdiyi məlumata görə, Qulaməli Xoşru çərşənbə axşamı BMT-nin Nizamnaməsi Komitəsinin iclasında İranın sülh, beynəlxalq təhlükəsizlik və ixtilafların dinc yolla həll edilməsi ilə bağlı mövqeyini şərh edərək, deyib: Təhlükəsizlik Şurasının, bu şuranın bəzi daimi üzvlərinin siyasi maraqları əsasında olan sanksiyaları qeyri-qanunidir.
Xoşru əlavə edib: Təhlükəsizlik Şurası sanksiyaların tətbiq edilməsi zamanı BMT-nin nizamnaməsində nəzərdə tutulmuş səlahiyyətlər və ixtiyarlardan kənara çıxmamalı, beynəlxalq hüquq normalarını pozmamalıdır.
