SAHAR

İran İslam Respublikası prezidenti regional təhlükəsizlik, stabillik və əməkdaşlıqların inkişaf etdirilməsi istiqamətində Əhatəli Müştərək Təşəbbüs Proqramının qorunmasının vacibliyini qeyd edərək bildirib: Nüvə anlaşmasının ləğvi hamının peşmançılıq nöqtəsi olacaqdır.

Həsən Ruhani bazar ertəsi günü Tehranda Fransa xarici işlər naziri Jan-İv Lö Drianı qəbul edib. 

Əhatəli Müştərək Təşəbbüs Proqramını müzakirə edən tərəflərin hamısı üçün sınaq adlandıran İran prezidenti deyib: Nüvə anlaşmasının öz qüvvəsində qalması dünyaya sübut edir ki, müzakirə və diplomatiya problemlərin həlli üçün ən yaxşı seçimdir və onun ləğvi isə siyasi müzakirələrlə vaxtı əbəs yerə xərcləmək mənasındadır. 

İran prezidenti bildirib: İran heç vaxt nüvə anlaşmasını pozmağa başlayan tərəf olmayacaq və bu anlaşmanı regional və beynəlxalq etimad, stabillik və əməkdaşlığın artırılması istiqamətində təsirli hesab edir. 

Ruhani həmçinin Fars körfəzinin təhlükəsizliyini bölgədə əhəmiyyətli məsələ adlandırıb və Yəmən böhranına toxunaraq xatırladıb: Beynəlxalq təşkilatlar Yəməndə atəşkəsin yaradılması, müharibəyə və vətəndaşların qırğınına son qoyulması və humanitar yardımların göndərilməsi istiqamətində səy göstərməlidirlər. 

Fransa xarici işlər naziri Jan İv Lö Drian da bu görüşdə nüvə anlaşmasının qorunmasını vurğulayıb və deyib: Atom Enerjisi üzrə Beynəlxalq Agentliyin hesabatları İranın öz öhdəliklərinə tam sadiq qaldığını göstərir və Fransa nüvə anlaşmasının qüvvədə qalması istiqamətində bütün səylərini göstərəcəkdir.