SAHAR

İran İslam Respublikası prezidenti İranın müdafiə qüdrətinin önləyici xarakter daşıdığını və regionda sülh, sabitlik və təhlükəsizliyin möhkəmləndirilməsinə xidmət etdyini deyərək, əlavə edib: Heç kim İranın raketləri, silahları və müdafiə qüdrətinin gücləndirilməsindən narahat olmamalıdır.

Həsən Ruhani çərşənbə günü Nazirlər Kabinetinin iclasının kənarında İran İslam Respublikasının iqtisadi, mədəni, siyasi, ictimai və özəlliklə hərbi qüdrətinin digər ölkələr əleyhinə olmadığını deyərək, əlavə edib: İran öz hərbi qüdrətini hansısa ölkəyə hücum etmək üçün deyil, özünü müdafiə etmək üçün gücləndirir.

İran İslam Respublikası prezidenti bəzi region ölkələrinin İranla bağlı qorxu hissinin genişləndirilməsi üzrə təhrikedici hərəkətlərinə işarə edərək, deyib: İran izzət ardıncadır və heç vaxt zorakılıq və ya başqalarına təcavüz etmək niyyətində olmayıb və olmayacaq da.

Ruhani həmçinin deyib: Tarix də sübut edir ki, İran xalqı hansısa başqa xalqa zülm etməyib. Kiminsə ərazisini işğal etməyib. Və qonşularını bombardman etməyib. Əksinə, digər ölkələrdən olan didərginlərə qucaq açıb.

İran İslam Respublikası prezidenti İranın heç bir ölkə üçün təhlükə olmadığını deyərək, əlavə edib: İran bütün region üçün sabitlik və təhlükəsizlik amilidir. Və öz hüquqlarını da ən yaxşı formada müdafiə edəcək.

Ruhani sionist rejimin regiondakı cinayətlərinə işarə edərək, deyib: ötən 70 ildə regionda müharibə, cinayət və xarabalıqlar törədənlər, hər gün insanları qırğın edənlər, Səbra və Şətila faciəsinə səbəb olanlar İran təhlükəsindən söz açmağa layiq deyillər.

İran İslam Respublikası prezidenti həmçinin, İslam peyğəmbəri həzrət Məhəmməd Mustafanın(s.ə.s) əziz qızı xanım Fatimənin(s) mövlud günü və İranda ana və qadın günü münasibəti ilə İran xalqını təbrik edib və deyib: Xanım Fatimə bütün dünya qadınları üçün bir nümunədir.