SAHAR

İran, Rusiya və Türkiyə dövlət başçılarının Suriya haqda üçtərəfli zirvə toplantısında iştirak etmək məqsədilə Ankaraya səfər edən İran İslam Respublikası prezidenti Həsən Ruhani çərşənbə günü Türkiyə prezidenti Rəcəb Tayyib Ərdoğan tərəfindən rəsmən qarşılanıb.

Qarşılanma mərasimindən sonra, İran və Türkiyə prezidentləri Ruhani və Ərdoğanın ikitərəfli görüşü keçiriləcək. İran İslam Respublikası prezidenti başqa ikitərəfli görüşdə Rusiya prezidenti Vladimir Putinlə görüşəcək.

İkitərəfli görüşlərdən sonra, Ruhani, Putin və Ərdoğan İran, Rusiya və Türkiyə dövlət başçılarının zirvə toplantısında Suriya olayları, Astana iclaslarındakı anlaşmaların icrası yolları haqda araşdırma aparacaqlar.