Qarabağın azadlığına dəstək bütün müsəlmanlara vacibdir
Ayətullah Məkarem-Şirazi vurğulayıbdır ki, Qarabağın azadlığına dəstək bütün müsəlmanlara vacibdir.
SəhərAzəri xəbər verir, Ayətullah Məkarem-Şirazi bir müraciətdə Qarabağ hadisələrinə işarə ilə bildirib: "Son günlər Qarabağ bölgəsindəki nigaranedici xəbərlər bir daha düşüncə və qəlbləri İslam Dünyasının bir parçası olan bu bölgəyə yönəltdi".
Müraciətdə deyilir: "Bu bölgənin ötən illərdə qəddarcasına işğal edilməsindən sonra bir daha bu bölgədə müharibə odu alovlandı və o diyarın məzlum müsəlmanlarının qanını yerə tökdü ki, bu işlərin məsuliyyəti onun ilkin səbəbkarlarının, yəni işğalçıların üzərinə düşür".
Bu müraciətdə sonra vurğulanıb: "Qarabağın azadlığına dəstək, Fələstinin və digər islami diyarların işğalçılıqdan azad edilmələrini himayə kimi bütün müsəlmanlara vacibdir. Biz də bu himayəyə təkid edir və lazım bilirik ki, hər cür vasitəçilik, müzakirə və qərar, bu bölgənin tam şəkildə azad edilməsi və onun İslam Dünyasına qayıtması ilə nəticələnməlidir".
Ayətullah Məkarim Şirazi bəyanatda qeyd edib ki, "bütün səmavi dinlər və peyğəmbərlərin kitablarında olan təlimlər, xüsusilədə Həzrət İsa peyğəmbərin (Allahın salamı olsun ona, Peyğəmbərimizə (s) və Əhli-Beytinə (ə)) təlimində zülm və sitəmdən uzaq durmaq və məzluma yardım etmək qeyd olunub.
Yaxşı olar ki bütün xristianlar Ermənistan dövlətinə öz öhdəliklərinə əməl etməsi üçün tövsiyələr verərək, bu səmavi dinin libasını zülmdən və işğalçılıqdan təmizləsinlər, dünya inanclılarının və Allaha itaət edənlərin qəlblərini bir-birinə yaxınlaşdırsınlar, zülm və sitəmin acı aqibəti barədə xəbərdarlıq etsinlər.
Çünki Allah buyurub: “Zülm edənlər (öləndən sonra) hansı dönüşə dönəcəklərini (aqibətlərinin necə olacağını) mütləq biləcəklər!” (Şüəra-227)
Allahın salamı, rəhməti və bərəkəti üzərinizə olsun.
Qum.
Nasir Məkarim Şirazi.
18 oktyabr, 2020 "
