Rusiya: “İranın uranı 20% zənginləşdirməsi NPT pozuntusu deyil”
Rusiyanın Xarici İşlər Nazirliyi İranın uranı 20 faiz zənginləşdirməsinin Nüvə Silahlarının Yayılmaması Müqaviləsini (NPT) pozmadığını bildirib.
SəhərAzəri Sputnik-ə istinadən xəbər verir ki, Rusiya Xarici İşlər Nazirliyi İranın uranı zənginləşdirmə səviyyəsini 20 faizə qaldırmaq qərarını Əhatəli Müştərək Təşəbbüs Proqramındakı öhdəliklərindən yayınma adlandırıb.
Rusiya XİN-i bəyanatında qeyd edib ki, İran nüvə proqramı ilə əlaqəli bütün hərəkətlərdə şəffaf olub və MAQATE müfəttişlərinin 20% uranının dinc istifadəsini izləməsinə icazə verdiyi üçün İranın hərəkəti Nüvə Yayılmaması Müqaviləsinin (NPT) pozulması sayıla bilməz.
“20%-ə qədər zənginləşdirilmiş uranın hamısına Beynəlxalq Atom Enerjisi Agentliyi tərəfindən nəzarət olunur. Agentlik elan edilməmiş fəaliyyətlər siyahısında istifadəsini göstərməsəydi, bu halda bu NPT-nin pozulması olacaqdı”.
Rusiya Xarici İşlər Nazirliyi ABŞ-ın nüvə ənlaşmasından çıxmaq addımının İranı nüvə müqaviləsi çərçivəsindəki öhdəliklərindən yayındırdığını qeyd edib.