Rusiya Vyana müzakirələrində İrana dəstək verdi
Tehran zalımcasına sanksiyaların ləğvinə çağırır-Şərh
Rusiyanın xarici işlər naziri noyabrın 29-da Vyanada keçiriləcək iclasda Moskvanın İrana qarşı sanksiyaların ləğvinə çağıracağını açıqlayıb.
SəhərAzəri-nin məlumatına əsasən, Sergey Lavrov Rusiya və Fransa xarici işlər və müdafiə nazirlərinin 2+2 formatında görüşündən sonra mətbuata verdiyi açıqlamada, ölkəsinin 2015-ci ildə imzalanmış nüvə sazişinin bütün müddəalarının tam şəkildə həyata keçirilməsini və bu istiqamətdə İrana qarşı sanksiyaların ləğvini dəstəkləyəcəyini bildirib.
Müşahidəçilər bildirirlər ki, Rusiyanın MAQATE-nin zəruri şərti olaraq ABŞ-ın İrana qarşı birtərəfli sanksiyalarının ləğv edilməsinin vacibliyində israr etməsi əslində nüvə sazişinin müddəaları əsasında Vaşinqtonun anti-İran sanksiyalarının ləğvi ilə bağlı Tehranın prinsipial mövqeyinin düzgünlüyünün və legitimliyinin təsdiqidir. İranın prinsipial tələbi ABŞ-ın bütün sanksiyalarının tamamilə ləğv edilməsi, onun öz təsdiqini tapması və sonra Tehranın öz öhdəliklərini yerinə yetirməsinə qayıtmasından ibarətdir. Təbii ki, İranın bu məsələdə mövqeyi sabit və dəyişməzdir.
Tehran bu yaxınlarda Vyanada ABŞ-ın qeyri-qanuni sanksiyalarının aradan qaldırılmasına yönəlmiş danışıqları bərpa etməyə razılıq verib və vurğulayıb ki, danışıqların məqsədi İrana qarşı sanksiyaların ləğvinə əsaslanan razılaşmanın əldə edilməsi olmalıdır.
Lakin təəssüflər olsun ki, hazırda Bayden hökumətinin qeyri-konstruktiv mövqeyi bu beynəlxalq sazişin gələcəyini tamamilə təhlükə altında qoyubdur. Belə ki, Vyana danışıqlarında Vaşinqton zaman qrafikası əsasında İranın öhdəliklərinin dayandırılmasını nəzərdə tutan bəndlərin qüvvədə qalmasında israrlıdır və üstəlik İranın nüvə məhdudiyyətlərinin əhatə dairəsini genişləndirmək üçün yeni tələblərlə çıxış edir.
Vaşinqton bildirib ki, İrana qarşı bütün sanksiyaları ləğv etməyəcək və yalnız nüvə sazişinə qayıtmaq üçün zəruri hesab etdiyi sanksiyaları ləğv edəcəkdir.
Eyni zamanda, Bayden hökuməti gələcəkdə nüvə sazişinə sadiq qalacağına dair heç bir zəmanət vermək istəmir. Bu mövqe Vaşinqtonun irrasional və aqressiv yanaşmasını əks etdirir.
