İranın hökumət başçısı Rusiyaya səfərə hazırlaşır

Dek 28, 2021 14:15 Asia/Baku

İran İslam Respublikasının prezidenti Putinin dəvəti ilə gələn ay Rusiyaya rəsmi səfərə gedəcək.

SəhərAzəri-nin məlumatına əsasən, İranın prezidenti Seyid İbrahim Rəisi gələn ilin ilk ayında Rusiyaya rəsmi səfərə yollanacaq.

Bunu İranın Prezident Administrasiyasının sözçüsü Əli Bahaduri Cəhrumi keçirdiyi mətbuat konfransında deyib.

Bildirilib ki, cənab Rəisi Rusiya prezidenti Vladimir Putinin dəvəti ilə gələn ilin əvvəlində Moskvaya rəsmi səfər gedəcək.

İran hökumətinin sözçüsü deyib: “Bu səfər İranın region ölkələri ilə ikitərəfli və çoxtərəfli əlaqələrin möhkəmləndirilməsi və inkişaf etdirilməsi siyasəti çərçivəsində, eləcə də ticarət-iqtisadi əməkdaşlıq məsələlərinin diqqət mərkəzində saxlanılması istiqamətində həyata keçirilir.”