İranın BMT-dəki səfiri və daimi nümayəndəsi deyib: Suriya böhranı işğalçılığa son qoyulmadan və terror hədələrinin kökü kəsilmədən həllediləsi deyil.

SəhərAzəri-nin məlumatına əsasən, Məcid Təxti-Rəvançi BMT Təhlükəsizlik Şurasının Suriyada siyasi və humanitar olaylara həsr olunmuş yığıncağında deyib: Suriyada savaşın başlandığı on ildən çox bir vaxtda bu ölkədə humanitar ehtiyaclar özünün ən yüksək həddinə çatıbdır.

İranın BMT-dəki səfiri və daimi nümayəndəsi bildirib ki, hazırkı iqtisadi böhran adi əhaliyə, xüsusən uşaqlara, qadınlara, yaşlılara və əlillərə təsir göstərib.

O, deyib: Ağır insani vəziyyətə əsasən, Suriya xalqına qarşı birtərəfli sanksiyaların ləğvi, hər zamandakından həyatidir.

«Terrorizmə qarşı savaş, Suriyanın suverenliyi və ərazi bütövlüyünün zəiflədilməsi üçün bir bəhanə olmamalıdır» deyən Təxti-Rəvançi söyləyib: Xarici qüvvələrin terror fəaliyyətləri üçün ideal bir şərait yaratmış xarici qüvvələrin Suriyanın bəzi hissələrindəki qanunsuz iştirakına dərhal son qoyulmalıdır.