SAHAR

İranın Cenevrədəki səfiri və daimi nümayəndəsi İnsan Haqları Şurasının 56-cı iclasında bir neçə ölkə adından oxuduğu bəyanatda sionist rejimin Qəzzədəki cinayətlərini kəskin qınayaraq, sionizmi irqçiliyin təzahürlərindən biri adlandırıb.

İranın Cenevrədəki səfiri və beynəlxalq təşkilatlardakı daimi nümayəndəsi Əli Bəhreyni irqçilik üzrə xüsusi məruzəçinin iştirakı ilə keçirilən İnsan Haqları Şurasının 56-cı iclasında bir neçə İslam ölkəsi və müstəqil ölkə adından birgə bəyanatı oxuyub və Birləşmiş Millətlər Təşkilatının Baş Assambleyasının sionizmin irqçilik formalarından biri kimi tanıması üzrə 3379 saylı qətnaməsinin yenidən canlandırılmasının zəruriliyinə diqqət çəkib.

Birgə bəyanatda, Birləşmiş Millətlər Təşkilatının Qərbi Asiya üzrə İqtisadi və Sosial Komissiyasının (ESCWA) 2017-ci il hesabatına əsasən, İsrail fələstinlilərə qarşı “aparteid rejimi” kimi tanınıb və qeyd olunub ki, irqi ayrı-seçkiliyin və aparteidin qadağan edilməsi beynəlxalq hüquqda məcburi qaydadır, eyni zamanda Birləşmiş Millətlər Təşkilatının Nizamnaməsinin məqsəd və prinsiplərinin açıq şəkildə pozulmasıdır.

Bəyanatda beynəlxalq ictimaiyyət insanlığa qarşı cinayət törədən İsrail qurumlarına qarşı qətiyyətli addımlar atmağa çağırılıb.

Bu təşəbbüs 3379 saylı qətnamənin və ya sionizmi irqçiliyin bir forması kimi müəyyən edən qətnamənin əsas müddəalarının canlandırılması istiqamətində mühüm addım olacaq.