İran təmsilçiləri Sanda üzrə 10-cu Dünya Kubokunda üç qızıl medal qazanıblar.

Aprelin 7-dən Çinin Jiangyin şəhərində uşu-sanda üzrə dünya kubokuna start verilib.Bu gün bu turnirin üçüncü və sonuncu günündə iranlı idmançı 75 kiloqram çəki dərəcəsində mübarizə aparan Şəhrbanu Mənsurian tunisli rəqibi Rimel Xəlifiyə qalib gələrək, qızıl medal və çempionluq titulunu qazanıb.İranın yeganə kişi təmsilçisi Moin Təqəvi 90 kiloqram çəki dərəcəsində qazaxıstanlı rəqibini məğlub edərək, çempion olub.Bundan əvvəl çərşənbə axşamı İranın 65 kiloqram çəki dərəcəsində mübarizə aparan qadın idmançısı xanım Siddiqə Dəryayi qızıl medal qazanmışdı.