İran İsrailin Suriyanın cənubundakı hücumlarını pisləyir
İran Xarici İşlər Nazirliyinin sözçüsü İsmayıl Bəqayi sionist rejimin Suriyanın cənubundakı Beyt Cinn bölgəsinə quru və hava hücumlarını və bu hücumlar nəticəsində bir neçə Suriya vətəndaşının həlak olmasını qətiyyətlə pisləyib.
İran Xarici İşlər Nazirliyinin sözçüsü İsmayıl Bəqayi region xalqlarının sionist rejimin təcavüzü qarşısında ölkələrinin milli suverenliyi və ərazi bütövlüyünü müdafiə etmək üçün ayrılmaz hüququna təkid edib və Suriya gənclərinin sionist hərbçilərin hərəkətləri qarşısında müqavimətini təcavüzə qarşı təbii və qanuni cavab kimi xarakterizə edib.
İran İslam Respublikasının Xarici İşlər Nazirliyinin sözçüsü həmçinin İsrail rejimi tərəfindən beynəlxalq hüququn davamlı və kobud şəkildə pozulmasına və onun bölgədəki cinayətlərinin miqyasının genişlənməsinə diqqət çəkərək, BMT Təhlükəsizlik Şurasının Suriya və Livan da daxil olmaqla, region ölkələrinin suverenliyinə və ərazi bütövlüyünə qarşı bu təcavüzlərlə bağlı fəaliyyətsizliyini təəssüf doğuran adlandırıb və bu vəziyyətin qlobal sülh və sabitliyə təsirləri barədə xəbərdarlıq edib.
