SAHAR

Türkiyənin yeni müdafiə naziri qonşu ölkələrlə müxtəlif iqtisadi və siyasi sahələrdə ikitərəfli münasibətlərin inkişaf etdirilməsini vurğulayıb.

İRNA-nın məlumatına görə, Hulusi Akar Türkiyə Müdafiə Nazirliyində rəsmi işə başlama mərasimində deyib: Ankara qonşu ölkələrlə sülh, stabillik və təhlükəsizliyə arxalanan münasibətlərin tərəfdarıdır. 

Hulusi Akar həmçinin Türkiyə və regionda terrorizmlə mübarizənin davam edəcəyini bildirərək deyib: Türkiyə hökumətinin işə başladığı yeni dövrdə, Müdafiə Nazirliyi, Ordunun Baş Qərargahı və Silahlı Qüvvələri vahid şəkildə fəaliyyət göstərəcəklər. 

Türkiyənin müdafiə naziri Hulusi Akar bundan öncə Türkiyə Ordusu Baş Qərargahının rəisi idi və prezident Rəcəb Tayyib Ərdoğan tərəfindən Nurəddin Canıklının yerinə təyin olundu.