İran Silahlı Qüvvələrinin hərbi paradında yeni hərbi təchizatlar nümayiş etdirilib
İran İslam İnqilabı Keşikçiləri Korpusu Sepah-ın Quru Qoşunları bölmələri bu gün Tehranda İran İslam Respublikasının banisi İmam Xomeyni(rə)-in məqbərəsinin kənarında keçirilən hərbi paradda öz hərbi təchizatlarını nümayiş etdirib.
Sepah-ın Quru Qoşunlarının bu paradda nümayiş etdirilən hərbi təchizatları "Rəxş" və "Şəbdiz" tankları, "Zülcənah" və "Buraq" PDM-ləri, "Zəlzal" raketi və "Fəcr-5" raketatan qurğusu olub.
Sepah-ın aviasiya və kosmonavtika qüvvələri də hərbi parad zamanı öz hərbi təchizatlarını nümayiş etdirib.
Çiyindən atılan "3 Xordad" raket qurğusu, "Təbəs" və "Səyyad" hava hücumundan müdafiə qurğuları, "Rəd-1" və "Tor-m1" raket qurğuları, "Bəşir" lokator sistemi, "Saiqə" sistemi, "Zülfüqar" raketi, ballistik "Xörrəmşəhr" raketi, "Qiyam" raketi, "Qədr-H" və "Qədr-F" raketləri, "İmad" raketii və "Siccil" raketi Sepah-ın aviasiya və kosmonavtika qüvvələrinin parad yürüşündə nümayiş etdirdiyi hərbi təchizatlar olub.
Ballistik "Xorrəmşəhr" raketi ilk dəfə olaraq bu manevrdə nümayiş etdirilib.
Paradın davamında Sepah-ın dəniz qoşunları da öz hərbi qüdrətini nümayiş etdirib.
Müxtəlif növlü sürətli qayıqlar, "Qədir" və "Nəsr" kimi sahil-dəniz raketləri, dəniz minaları və bir sıra digər təchizatlar Sepah-ın dəniz qoşunlarının nümayiş etdirdiyi təchizatlar olub.
İranda Müqəddəs Müdafiə Həftəsinin birinci günündə Tehranda İran İslam Respublikasının banisi İmam Xomeni(rə)-in məqbərəsinin kənarında silahlı qüvvələrin parad yürüşü keçirilib.
İranda 22 sentyabr İraqın İrana qarşı hücumunun və Müqəddəs Müdafiənin başlandığı gün olaraq "Müqəddəs Müdafiə Həftəsi"nin ilk günü elan edilib.
