SAHAR

İranın Kənd Təsərrüfatı Nazirliyinin quru və soyuq iqlimlərin mevələri üzrə idarəsinin baş direktoru deyib: İslam Respublikası qoz bağları baxımından ikinci, bu məhsulun istehsalı baxımından isə dünyanın üçüncü ölkəsidir.

İRİB-in məlumatına görə, İranın Kənd Təsərrüfatı Nazirliyinin quru və soyuq iqlimlərin mevələri üzrə idarəsinin baş direktoru Şükrulla Hacıvənd deyib: Çin 425 min hektar, İran 157 min hektar, ABŞ 110 min hektarla qoz ağaclarının əkilməsi baxımından dünyanın ilk üç ölkəsidir.

Hacıvənd əlavə edib: Çin ildə 1 milyon 600 min ton, ABŞ 518 min ton və İran isə 260 min ton istehsalla birinci-üçüncü yerlərdə qərarlaşırlar.

İranın Kənd Təsərrüfatı Nazirliyinin quru və soyuq iqlimlərin mevələri üzrə idarəsinin baş direktoru proqnoz edib ki, İranda qoz bağlarının islah edilməsi və yenilənməsi ilə məhsul artımı olacaqdır.