SAHAR

Mina faciəsində həyatını itirən Allah evi zəvvarlarının cənazələrinin müşayiət olunması mərasimi Tehran və İranın digər şəhərlərində əhalinin geniş iştirakı ilə keçirilib.

Minada baş vermiş faciədə bir qrup iranlı zəvvarın həyatını itiriməsinin ardınca, İslami İranın mömin və inqilabçı xalqı Mina faciəsi qurbanlarının cənazələrini bu gün paytaxt Tehranda və digər şəhərlərdə son mənzilə doğru müşayət ediblər.
Mina faciəsi qurbanlarının xatirəsini yad etmək məqsədi ilə bu gün Tehranda İmam Xomeyni(r.ə) hüseyniyəsində İslam İnqilabının Böyük Rəhbərinin iştirakı ilə xüsusi mərasim keçiriləcək. Həmçinin, İmam Xomeyni(r.ə)-in məqbərəsində, Qum şəhərində Həzrət Fatimə Məsumənin(s.ə) pak hərəmində və bir çox digər şəhərdə də oxşar mərasimlərin keçirilməsi nəzərdə tutulub.
İndiyə kimi Mina faciəsində həyatını itirmiş iranlı zəvvarların 218-nin cəsədi vətənə gətirilib.
Ölkə rəsmilərinin bildirdiklərinə görə, cənazələri hələ də müəyyən edilməyən Mina faciəsi qurbanlarının cənazələri də, kimliklərinin müəyyən edilməsinin ardınca, dəfn olunmaları üçün yaşadıqları yerə köçürüləcək.