SAHAR

İranın Müdafiə Nazirliyinin Aviasiya və Kosmonavtika Sənayesi Təşkilatı tərəfindən quraşdırılan uzaq mənzilli ballistik "İmad" raketi uğurla sınaqdan keçirilib.

İranın Müdafiə Nazirliyinin Təbliğat Baş İdarəsi tərəfindən verilən məlumata görə, İran İslam Respublikasının müdafiə naziri Hüseyn Dehqan bazar günü "İmad" raketinin uğurla sınaqdan keçirilməsinin ardınca deyib: Bu, İran İslam Respublikasının ilk uzaq mənzilli raketidir ki, hədəfi vurma anına qədər idarəetmə imkanına malikdir.
General-mayor Hüseyn Dehqan İran İslam Respublikası Silahlı Qüvvələrinin raket potensialının təkmilləşdirilməsi və inkişaf etdirilməsi habelə, İranın önləyicilik qüdrətinin artırılması üzrə strategiyasına işarə edərək, deyib: Uzaq mənzilli ballistik "İmad" raketinin layihələşdirilməsi və quraşdırılması üzrə bütün istehsal mərhələləri iranlı mütəxəssislər tərəfindən həyata keçirilib.
İranın müdafiə naziri "İmad" raketinin layihələşdirilməsi və istehsalını, bu strateji sahədə mühüm bir sıçrayış və irəliləyiş adlandırıb və deyib: İran öz müdafiə qüdrətini və raket potensialını artırmaq üçün heç bir tərəfdən icazə almır və öz müdafiə proqramlarını xüsusilə raket sahəsində tam qətiyyətlə davam etdirir.