SAHAR

Həzrət Fatimə Zəhranın (s.ə) şəhadətinin ildönümü gecəsi mərasimi İslam İnqilabının Böyük Rəhbəri Həzrət Ayətullahülüzma Xameneinin iştirakı ilə İmam Xomeyni (rə) hüseyniyyəsində keçirilib.

Müxtəlif xalq kütlələrindən minlərlə nəfər, prezident, Nazirlər Kabinetinin üzvləri, bir qrup ölkə və ordu rəsmilərinin iştirakı ilə keçirilən bu mərasimdə Höccətülislam Ali islamın bu böyük xanımının fəzilətlərini bəyan edərək deyib: Rəvayətlərə əsasən Həzrət Fatimə Zəhra (s.ə) məsum imamlara ilahi höccət və feyz vasitəsidir.

Höccətülislam Ali Həzrət Fatimə Zəhranın (s.ə) vəzifəsini cəmiyyətin istedadlarının Allah yolunda qərar tapmaları və bəşəriyyətin təkamülü və inkişafı üçün şəraitin yaradılması məqsədilə ümmət və imamətin əlaqəsinin möhkəmləndirilməsi adlandırıb və deyib: Əgər cəmiyyət imamət və vilayətlə bağlı öz əhdinə əməl edərsə, inkişaf edərək təkamülə çatacaq və o zaman inkişaf etmiş cəmiyyət Həzrət Vəliəsrin (əc) zühuru ləyaqətinə çatacaq.

Həmçinin bu mərasimdə cənab Kərimi müsibəti zikr edərək mərsiyə oxuyub.

Həzrət Fatimə Zəhranın (s.ə) şəhadətinin əzadarlıq mərasimi bazar ertəsi gününə qədər İmam Xomeyni (rə) hüseyniyyəsində davam edir.