İran İslam Respublikası xarici işlər naziri: Nüvə anlaşması birtərəfli bir anlaşma deyil ki, bir tərəf onu cırıb bir kənara atsın.

Məhəmməd Cavad Zərif bu sözləri təbliğat və təşviqat kampaniyası zamanı nüvə anlaşması ilə müxalif olduğunu deyən Donald Trampın ABŞ prezidenti seçilməsindən sonra səsləndirib. 

Zərif Slovakiyanın xarici işlər naziri Miroslav Lackak ilə görüşün ardınca, mətbuat konfransında deyib: "Əlbəttə, İranın seçimləri məhdud deyil. Amma, biz nüvə anlaşmasının kamil formada icra ediləcəyinə ümidarıq və bunu istəyirik. Bu nüvə anlaşması, birtərəfli bir anlaşma deyil ki, bir tərəf onu cırıb bir kənara atsın."