SAHAR

Müxtəli ölkələrin rəsmiləri və tanınmış simalarının İranın məsləhət şurasının sədri Ayətullah Haşimi Rəfsəncaninin vəfatı münasivəti ilə başsağlığı müraciətləri davam edir.

İRNA-nın verdiyi məlumata görə, Rusiyanın Xarici İşlər Nazirliyinin xüsusi nümayəndəsi bu gün Moskvada İran İslam Respublikasının səfirliyinə gələrək Ayətullah Haşimi Rəfsəncaninin vəfatını başsağlığı verib. 

Ayətullah Haşimi Rəfsəncaninin xatirə dəftəri də İİR-nın Moskvadakı səfirliyində açılıb və İran bayraqı yarıya endirilib. 

Hindistanda da xarici ölkələrin səfirləri və diplomatları Yeni Dehlidə yerləşən İİR səfirliyinə gələrək Ayətullah Haşimi Rəfsəncaninin şəxsiyyətinə öz hörmətlərini bildiriblər. 

Ayətullah Haşimi Rəfsəncaninin vəfatı münasibəti ilə İranın Yeni Dehlidəki səfirliyində də İran bayrağı yarıya endirilib. 

Qırqızıstanda da İran səfirliyində Ayətullah Haşimi Rəfsəncaninin xatirə dəftəri açılıb. 

İranın Türkiyə, Sloveniya, Zimbavve və Seneqaldakı səfirlikləri də Ayətullah Haşimi Rəfsəncaninin vəfatı münasibəti ilə xatirə dəftəri açıblar və bu ölkələrdəki daxili və xarici simalar bu dəftəri imzalayırlar. 

İran İslam Respublikasının bayrağı bir çox ölkələr o cümlədən Suriya, Türkiyə və Misirdəki səfirliklərdə də yarıya endirilib. 

İraq Kürdüstanının başçısı Məsud Barizani də bu gün Ayətullah Haşimi Rəfsəncaninin vəfatı münasibəti ilə İran xalqı və dövlətinə başsağlığı verib.