SAHAR

İran İslam Respublikası Xarici İşlər Nazirliyinin sözçüsü İranda Güləş üzrə Dünya Çempionatında Amerikanın sərbəst güləş yığmasının iştirakına qarşı çıxdığını bildirib.

Bəhram Qasimi bu gün İRNA-ya deyib: Amerikanın yeni hökuməti tərəfindən həyata keçirilən yeni siyasətləri nəzərə alaraq İranın Xarici İşlər Nazirliyi Amerikanın güləş yığmasının İrana səfərinə qarşı çıxmalı olub. 

ABŞ prezidenti Donald Tramp ötən həftə İranda daxil 7 müsəlman ölkənin vətəndaşlarının Amerikaya girişinə 3 aylıq qadağa tətbiq edib.

Sərbəst Güləş üzrə Dünya Çempionatı fevralın 16-17-də İranın qərbində yerləşən Kirmanşah ostanında keçiriləcək. 

İranın Güləş Federasiyası da Ümumdünya Güləş Federasiyasına müraciət ünvanlayaraq Kirmanşahda baş tutacaq Dünya Çempionatında ABŞ-ı əvəz edəcək ölkənin elan edilməsini istəyib.