İranın son model Kruz dəniz raketi uğurla atılıb
-
İranın son model Kruz dəniz raketi uğurla atılıb
"İslam Respublikası Ordusu Dəniz Qoşunlarının hərbi təlimlərində "Nəsir" adlı İranın son model Kruz dəniz raketi uğurla istifadə olunub".
Bu sözləri İranın müdafiə naziri general-mayor Hüseyn Dehqan bildirib.
Onun sözlərinə görə, İranın cənub sularında Vilayət-95 adı ilə keçirilməkdə olan Hərbi Dəniz Qoşunlarının ən böyük təlimləri zamanı Nəsir adlı Kruz dəniz raketinin son modeli atılıb və uğurla təyin olunan hədəfə dəyib.
Vilayət-95 adlı İran ordusu Hərbi Dəniz Qoşunlarının hərbi təlimləri bazar günü səhərçağından Hörmüz boğazı, Oman dənizi, Hind okeanının şimalı, Babul-Məndəb boğazı çərçivəsində 2 milyon kilometr ərazidə başlanıb.
İran Ordusu Hərbi Dəniz Qoşunları komandanı kontr-admiral Həbibullah Səyyarinin sözlərinə görə, hərbi təlimlərin keçirilməsində məqsəd sərhəd sularının müdafiəsi, bölgədə təhlükəsizliyin bərqərarı, dəniz quldurları və terrorizmlə mübarizə və region ölkələrinə dostluq və sülh müraciətinin göndərilməsidir.
