İnqilab Rəhbəri: Hüseyn (ə) ərbəini yürüşü əsaslı simvoldur
İslam İnqilabının Böyük Rəhbəri ötən gün Fiqh Xaric dərsində Hüseyn (ə) ərbəini yürüşü haqda deyiblər: Yürüşdə olan, Ərbəin ziyarətinə çatanlar, xoş məzmunlu ziyarəti ərbəin günündə Həzrət İmam Hüseynə (ə) xitabən oxuyanların xoş halına.
İslam İnqilabının Böyük Rəhbəri Həzrət Ayətullahülüzma Xamenei xatırladıblar: Əlhəmdulillah, İran, İraq və başqa yerlərdən milyonlarla nəfər bu yolda hərəkət edir.
İslam İnqilabının Böyük Rəhbəri Hüseyn (ə) ərbəini yürüşünü Allah-taalanın Əhli-Beyt (ə) vurğunları və ardıcıllarına təqdim etdiyi çox önəmli hadisələrdən biri adlandırıb və bildiriblər: Allah-taalaya bu nemətə görə şükür etmək lazımdır.
Həzrət Ayətullahülüzma Xamenei əlavə ediblər: Hüseyn (ə) ərbəini əzəmətli yürüşü Əhli-Beyt (ə) vurğunları və ardıcıllarının iştirakı üçün çox möhtəşəm və gözəl simvoldur.
1439-cu hicri qəməri ili 20 səfər (9 noyabr 2017) Həzrət İmam Hüseyn (ə) və vəfalı yoldaşlarının Kərbəlada şəhid edilmələrinin ərbəininin ildönümü günüdür. Dünyanın hər bir yerindən milyonlarla zəvvar bu gündə Hüseyn (ə) ərbəini mərasimində iştirak etmək üçün İraqın cənubunda Kərbəla şəhərinə daxil olurlar.
Ötən il 2 milyon iranlı zəvvar Hüseyn (ə) ərbəini mərasimində Kərbəlada olmuşdur. Builki Hüseyn (ə) ərbəini mərasimi üçün də çərşənbə axşamı gününə qədər 2 milyon 300 mindən çox zəvvar İrandan İraqa səfər etmişdir.
