İranın xarici işlər naziri bildirib ki, avropalılar nüvə anlaşmasının qorunması üçün çoxlu sayda üsullar təqdim ediblər. O, deyib: Zəruridir ki, avropalılar siyasi öhdəlik elan etməkdən əlavə, nüvə anlaşmasının qorunması üçün lazımi real addımlar atmalıdırlar.

Mohəmməd Cavad Zərif bu gün müxbirlər qarşısında əlavə edib: Əgər müxtəlif ölkələr nüvə anlaşmasının mənfəətlərindən bəhrələnmək istəyirlərsə, bu nailiyyətin qorunması üçün real şəkildə iş görməli və lazımi xərci ödəməlidirlər.

Zərif vurğulayıb: Amerikalılar nəinki özləri qanunu pozurlar, həm də dünya xalqlarına təzyiq göstərirlər ki, qanunu pozsunlar. O, deyib: Dünya Amerikanın bu hərəkəti qarşısında dayanmalıdır. Əks halda, daha böyük xərclər ödəməlidir.