Son günlər İranın şimal vilayətlərində güclü yağışlar nəticəsində daşqınlar və torpaq sürüşmələri əmələ gəlib və ağır ziyanlara səbəb olub.

İranın şimalında yerləşən Mazandaran və Gülüstan vilayətlərinin yerli rəsmiləri son günlərin güclü yağışları nəticəsində çaylarda suyun həcminin normadan 10 dəfə artıq olduğunu və çay kənarı ərazilərin ciddi xəsarət aldığını bildiriblər.

Ötən bazar ertəsi günündən bəri Gülüstan vilayətində 300 milimetrlik yağış qeydə alınıb və dağlıq ərazilərdə qarın hündürlüyü metir yarıma çatıb.

Gülüstan vilayətinin Türkmənistanla sərhəd ərazilərində yerləşən Ağ Qula şəhərinin 70 faizi suyun altında qalıb.

Bu şəhər və ətraf kəndlərə quru və havadan yardımlar davam edir.