İranda böyük miqdarda narkotik maddə müsadirə edilib
İyul 28, 2020 03:09 Asia/Baku
İranda böyük miqdarda narkotik maddə müsadirə edilib.
SəhərAzəri Təsnim-ə istinadla xəbər verir, İran sərhəd polis qüvvələri cənub-şərq vilayəti Sistan və Bəlucistanda keçirilən iki əməliyyatda 1600 kiloqramdan çox narkotik maddə ələ keçirib.
İran sərhəd polisinin komandiri, briqada generalı Əhmədəli Qudarzi bu barədə verdiyi açıqlamada bildirib ki, Cakiqur sərhəd alayının hərbçiləri sərhəd yaxınlığında keçirilən əməliyyat zamanı 1350 kq narkotik maddə ələ keçiriblər.
Məlumatda deyilir ki, avtomobillə təqib zamanı narkotik satıcıları ilə baş verən atışmadan sonra sərhəd polisi bir avtomobili müsadirə edib. Əməliyyat-axtarış tədbirləri zamanı tiryək və həşiş də daxil olmaqla 1339 kq-dan çox qanunsuz narkotik maddə ələ keçirilib.
