SAHAR

İranın səhiyyə nazirliyi ölkədə koronavirusdan sağalanların sayını təqribən 320 min nəfər elan edib.

Səhər Azəri bildirir ki, dünyada koronavirusa yoluxanların sayı 25 milyon nəfəri keçib.

Bu məlumata görə indiyə kimi 842 min nəfər koronavirusa yoluxma nəticəsində dünyasını dəyişib. 17 milyon nəfərdən çox insan da sağalıbdır.

İranda isə qəti diaqnoz meyarlarına əsasən, ötən 24 saat ərzində ölkədə COVID-19-a yoluxan min 905 yeni xəstə aşkar edilib; onlardan 857 nəfər xəstəxanaya yatırılıb, yerdə qalan xəstələrə isə ambulator şəkildə xidmət göstərilibdir.

İranın səhiyyə nazirliyi sözçüsünün bildirdiyinə görə, indiyədək İranda 319 min 847 nəfər xəstə də sağalıb və xəstəxanalardan buraxılıbdır.