“Diqqəti ölkənizdəki uğursuzluqlardan uzaqlaşdıra bilməyəcəksiz”

Dek 25, 2020 21:46 Asia/Baku

Ölkəmizin xarici işlər naziri Məhəmməd Cavad Zərif Tehranı ABŞ-ın İraqdakı səfirliyinə edilən hücumda ittiham edən ABŞ-ın prezidenti Trampa cavab verib.

SəhərAzəri xəbər verir, Twitter üzərindən Trampın “ABŞ-ın prezidenti Barak Obamanın yenidən seçkiləri qazanmaq üçün İranla müharibəyə başlayacağı” iddialarını əks etdirən köhnə mesajlarından birinin ekran görüntüsünü paylaşan Zərif, mesaja Tramp administrasiyasının ABŞ-da yeni növ koronavirus (Kovid-19) epidemiyasına qarşı uğursuzluğu ilə bağlı bir qrafik də əlavə edib.

Zərif tvitində bu ifadələri qeyd edib: “Vətəndaşlarınızı xaricdə riskə atmaqla diqqəti ölkənizdəki fəlakətli uğursuzluqlardan yayındıra bilməyəcəksiniz”.