İran Silahlı Qüvvələrinin geniş miqyaslı PUA təlimləri başlayıb
İran İslam Respublikası Ordusunun ilk birgə və geniş miqyaslı Pilotsuz Uçuş Aparatlarının (PUA) hərbi təlimi Simnanın ümumi sahəsində və İran sərhədlərinin müxtəlif nöqtələrində bu gün başlayıb və iki gün müddətinə keçiriləcək.
SəhərAzəri "İran Press"ə istinadən xəbər verir ki, İran İslam Respublikası Ordusunun ilk birgə və geniş miqyaslı Pilotsuz Uçuş Aparatlarının hərbi təlimi ordunun quru qoşunları, hava hücumundan müdafiə qüvvələri, hava və dəniz qoşunlarının yüzlərlə əməliyyat PUA-larının iştirakı ilə geniş ərazidə həyata keçiriləcək. Ordunun yerli PUA-larından bir neçəsi qısa mənzildən uzaq mənzilə qədər fərqli uçuş məsafələrində, müxtəlif döyüş, kəşfiyyat, elektron müharibə və kamikadze tapşırıqlarını yerinə yetirəcəklər.
İran İslam Respublikası Ordusunun ilk birgə və geniş miqyaslı Pilotsuz Uçuş Aparatlarının hərbi təlimində, həmçinin ölkənin ordu və müdafiə sənayesindəki mütəxəssislər tərəfindən istehsal olunan bəzi təchizatlar, nailiyyətlər və PUA-ların alt sistemləri ilk dəfə olaraq, Silahlı Qüvvələrin yüksək səviyyəli rəsmiləri və komandirlərinin iştirakı ilə bir sərgi çərçivəsində nümayiş etdiriləcək və istifadəyə veriləcəkdir.
