Tehranda
Azərbaycan Respublikasının səfiri müdafiə naziri ilə görüşüb
Azərbaycan Respublikasının İran İslam Respublikasındakı səfiri Əli Əlizadə İran İslam Respublikasının Müdafiə və Silahlı Qüvvələrə Dəstək naziri, general-mayor Məhəmməd Rza Aştiani ilə görüşüb.
SəhərAzəri-nin APA-ya istinadən verdiyi məlumata görə, görüşdə Azərbaycanın və İranın dövlət rəhbərlərinin əlaqələrə göstərdiyi xüsusi diqqət vurğulanıb və iki ölkənin sıx münasibətlərindən məmnunluq ifadə olunub.
Azərbaycan və İranın dost və yaxın qonşu ölkə olaraq əməkdaşlığının bütün sahələrdə davam etdirilməsinin zərurəti qeyd olunub, müdafiə, hərbi və hərbi-texniki sahədə gündəmdə olan məsələlər müzakirə olunub, səmərəli əməkdaşlığın daha da gücləndirilməsi perspektivləri, qarşılıqlı səfərlərin təşkil olunması, təcrübə mübadiləsinin artırılması və birgə layihələrin icra olunması haqqında fikir mübadiləsi aparılıb.
