SAHAR

İranın xarici işlər naziri bəyan edib ki, rəsmi Tehran Ukrayna ilə Rusiya arasında problemin həllini müharibədə görmür. Bu münasib həll yolu deyil.

SəhərAzəri-nin məlumatına əsasən, Hüseyn Əmir-Abdullahiyan ukraynalı həmkarı Dmitri Kuleba ilə telefon danışığında bunu söyləyib. 

Tərəflər bu telefon danışğında qarşılıqlı əlaqələr və tərəfləri maraqlandıran mövzularla bağlı fikir mübadiləsi aparıblar.

İran XİN rəhbəri bildirib: "Böhranın köklərinə baxmaq lazımdır və burada müharibəyə əl atmağın əleyhinəyik".

İranın müharibənin əleyhinə çıxış etməsini müsbət qiymətləndirən Ukrayna XİN rəhbəri iranlı həmkarını Kiyevə səfərə dəvət edib.