Paytaxtda «On kilometrlik Qədir qonaqlığı»nın proqramı açıqlanıb
«On kilometrlik Qədir qonaqlığı»nın xalq qərargahının sözçüsü Tehranda keçiriləcək bu tədbirin detallarını şərh edib.
Sasan Zare bildiribdir ki: Qədir şənliyi sabah, iyunun iyirmi beşində yerli vaxtla saat on yeddidən iyirmi üçədək Tehranda İmam Əli(ə) magistralı istiqamətindən Azadi meydanınadək keçiriləcək.
Zare qeyd edibdir ki, bu il bütövlükdə iki min iki yüz çadır qurulacaq.
«On kilometrlik Qədir qonaqlığı»nın xalq qərargahının sözçüsü söyləyib: Tehranın İmam Hüseyn(ə), Firdovsi, İnqilab və Azadi meydanlarında dörd əsas platforma qurulacaq və iyirmi altı nöqtədə yaylım atəşi açılacaq və şarların uçuşu baş tutacaq.
Bu iri qonaqlığın ölkənin üç yüz şəhərində keçiriləcəyini bildirən Zare qeyd edibdir ki: Qədir bayramı günündə ölkədə üç yüz altmış kilometrlik Qədir qonaqlığı təşkil olunacaq və on beş min nəzir yemək qazanı asılacaq.
Bu il Livan, Yəmən, Əfqanıstan və İraqdan gələn müqavimət cəbhəsinin nümayəndələri Tehranda çadırlar quracaqlar. Həmçinin Braziliya, Hindistan, Pakistan, Livan və Əfqanıstan kimi beş ölkədə də kilometrlik Qədir qonaqlığı keçiriləcək- deyə, Sasan Zare vurğulayıb.
