İran sionist İsralin törətdiyi xəsarətləri sürətlə aradan qaldırıb
Müdafiə naziri: Sionist rejimin hücumunun zərəri cüzi idi
SəhərAzəri-nin məlumatına əsasən, İran İslam Respublikasının Müdafiə və Silahlı Qüvvələrə Dəstək naziri bəyan edib ki, sionist rejimin son təcavüzündə çox cüzi ziyan dəydi, ölkədəki bilik və elmi gücdən istifadə olunaraq obyektlər dərhal bərpa edildi.
General-mayor Əziz Nəsirzadə Tehranda yaşayan qeyri-iranlı tələbələr və bir sıra xarici hərbi qulluqçuların yeni tədris ilinin açılış mərasimində çıxış edərək sionist rejimin zahirən insan haqları və ədalət üçün bərqərar olan bütün beynəlxalq qanunları pozduğuna diqqət çəkib.
İranlı nazir vurğulayıb: “Sionist rejimin İran İslam Respublikasına son təcavüzündə bizə azacıq ziyan dəydi. Biliyimizdən və elmi gücümüzdən istifadə edərək dərhal onu təmir etdik və dəyişdik. Halbuki elmin bu gücü başqalarının əlində olsaydı, heç vaxt bizə bunu etməyə icazə verməzdilər”.
