SAHAR

Ötən gün (22 Yanvar) Tehranda İran-Azərbaycan Birgə İqtisadi Komissiyasının 16-cı iclasına yekun vurulub və İranla Azərbaycan arasında əməkdaşlıq sənədi imzalanıb.

Birgə İqtisadi Komissiyasının həmsədrləri — İran İslam Respublikasının Yol və Şəhərsalma naziri Fərzanə Sadiq və Azərbaycan Respublikası Baş nazirinin müavini Şahin Mustafayev iştirakı ilə İran İslam Respublikası ilə Azərbaycan Respublikası arasında adıçəkilən komissiyanın 16-cı iclasının Protokolu imzalanıb.

İki ölkə arasında nəqliyyat, enerji, neft-qaz, su və kənd təsərrüfatı sahələrində əməkdaşlıqla bağlı bir sıra mühüm razılaşmalar əldə olunub.

Eyni zamanda, tərəflər arasında ticarət əlaqələrinin genişləndirilməsi üçün preferensial ticarət müqaviləsinin mümkün qədər tez imzalanması barədə razılığa gəlinib.