Azərbaycan Respublikası Prezident Administrasiyası bu qənaətdədir ki, ATƏT və ABŞ Dövlət Departamentinin Azərbaycan parlament seçkiləri ilə bağlı mövqeləri qərəzlidir.

Azərbaycan prezidentinin ictimai-siyasi məsələlər üzrə köməkçisi Əli Həsənov bildirib ki, Milli Məclisə seçkilər demokratik prinsiplərə uyğun, şəffaf, ədalətli keçirilib və Azərbaycan xalqının iradəsini əks etdirib.
O qeyd edib ki, Milli Məclisə seçkilərin ATƏT-in Demokratik Təsisatlar və İnsan Haqları Bürosu (DTİHB) tərəfindən müşahidə edilməməsi seçkilərin legitimliyinə kölgə sala bilməz”.
Prezidentin köməkçisinin sözlərinə görə, Azərbaycan müstəqil, dinamik inkişaf edən dövlətdir, heç vaxt öz siyasətini kimlərinsə istəyinə uyğun qurmur.