Azərbaycan prezidenti Rusiya müdafiə naziri ilə hərbi əməkdaşlığı müzakirə edib
-
Azərbaycan prezidenti Rusiya müdafiə naziri ilə hərbi əməkdaşlığı müzakirə edib
Azərbaycan Respublikası prezidenti İlham Əliyev avqustun 14-də Rusiya Federasiyasının müdafiə naziri Sergey Şoyqu ilə görüşüb.
APA-nın məlumatına görə, prezident İlham Əliyev vurğulayıb ki, iki ölkənin dövlət başçılarının görüşü zamanı bildirilib ki, Azərbaycan-Rusiya ikitərəfli münasibətlərinin yüksək səviyyədə olması əlaqələrimizin müxtəlif sahələrini əhatə edən məsələlərin, həmçinin regional təhlükəsizlik məsələlərinin həllinə imkan verəcək.
Rusiyanın müdafiə naziri Sergey Şoyqu prezident Vladimir Putinin Azərbaycana səfərinin və səfər zamanı prezident İlham Əliyevlə keçirdiyi görüşlərin ikitərəfli münasibətlərin, o cümlədən hərbi və hərbi-texniki sahədə əməkdaşlığın genişlənməsi baxımından önəmini vurğulayıb. Sergey Şoyqu Azərbaycan Silahlı Qüvvələri nümayəndələrinin Rusiyada keçirilən hərbi oyunlarda iştirakını məmnunluqla qeyd edib.
Azərbaycan və Rusiyanın müdafiə nazirləri Qarabağ münaqişəsini müzakirə ediblər
Bakıda işgüzar səfərdə olan Rusiyanın müdafiə naziri Sergey Şoyqu Azərbaycanın müdafiə naziri, general-polkovnik Zakir Həsənov ilə də görüşüb.
Görüşdə Rusiya ilə Azərbaycan arasında hərbi-texniki sahədə əməkdaşlıq və Dağlıq Qarabağ münaqişəsinin həlli yolları əsas müzakirə mövzusu olub.
