9 noyabr, Azərbaycanda bayraq günü münasibəti ilə Bakıda Avtomobil Federasiyasının təşəbbüsü ilə klassik avtomobil paradı keçirilib.

70-dən çox klassik avtomobil Heydər Əliyev Mərkəzinin binası önündən hərəkət edərək, Bakı şəhərinin küçələrindən keçib və Bayraq Meydanında öz yürüşlərini  yekunlaşdırıblar.

Bu paradda iştirak edən avtomobillər 1980-ci ildən öncə istehsal edilmiş avtomobillərdir. Paradda iştirak edən ən qədim avtomobil isə 1949-cu il istehalı olub.

Paradın sonunda bu avtomobillər Bayraq meydanında xalq üçün nümayişə açıq elan edilib.