SAHAR

Naxçıvan Muxtar Respublikasında siyasi, iqtisadi, elmi, mədəni və idman simalarının iştirakı ilə İslam İnqilabının qələbəsinin ildönümü anılıb.

İRİB-in Bakı ofisinin verdiyi məlumata görə, İran İslam Respublikasının Naxçıvandakı baş konsulluğu bildirib ki, dünən günortadan sonra keçirilən mərasimdə NMR-nin Ali Məclisinin sədri Vasif Talıbov İran İslam İnqilabının qələbəsinin ildönümü günü münasibəti ilə təbrik edərək İran ilə Naxçıvan arasında iqtisadi, mədəni, turizm, gömrük, kənd təsərrüfatı və tibb sahələrində əməkdaşlıarlaın gözə çarpacaq dərəcədə olduğunu vurğulayıb. 

V.Talıbov Naxçıvan ilə İranın şimal qərb bölgələri arasındakı əməkdaşlıqları yüksək qiymətləndirib və əməkdaşlıqların daha da genişləndirilməsinə təkid edib. 

İranın Naxçıvandakı baş konsulu Mənsur Ayrem də İran İslam İnqilabının region və islam dünyasında böyük bir dəyişikliyə başlanğıc olduğunu , bəzi güclərin bədxah niyyətlərinə rəğmən öz müsbət təsirini buraxdığını və müstəqil xalqlara arxa olmaqdakı yolunu davam etdirdiyini vurğulayıb. 

O İslam İnqilabının Böyük Rəhbəri Həzrət Ayətullah Xameneinin dahiyanə rəhbərliyi və İran prezidentinin səylərinin İran İslam Respublikasının gün-gündən inkişaf etməsinin mühərriki olduğunu deyib. 

Ayrem Azərbaycan Respublikası xüsusi ilə Naxçıvan Muxtar Respublikasının İranla əlaqələrdəki xüsusi mövqeyini vurğulayraq son illərdə  iki ölkə prezidentləri arasında 7 görüş, rəsmilər arasında onlarla görüş və çoxlu sayda əməkdaşlıq sənədlərinin imzalanmasını hər iki tərəfin əməkdaşlıqların davam etdirilməsində öhdəlikli olduqlarını göstərdiyini deyib. 

Mərasimdə İslam İnqilabının nailiyyətlərini özündə əks etdirən video-çarx nümayiş etdirilib. Mərasimin kənarında İlam İnqilabı dövrünü özündə əks etdirən foto sərgi və İranın əl işləri nümunələri, eləcə də sərhəd vilayətlərinin, Araz və Maku Azad Ticarət Zonalarının potensiallarını təqdim edən sərgi təşkil olunub.