Ceyhun Bayramovla Sergey Lavrov arasında telefon danışığı olub
Rusiya Federasiyasının Xarici İşlər naziri Sergey Lavrov və Azərbaycan Xarici İşlər naziri Ceyhun Bayramov arasında telefon danışığı baş tutub.
SəhərAzəri xəbər verir, Azərbaycan XİN-dən verilən məlumata gorə, Noyabrın 10-da Rusiya Federasiyasının Xarici İşlər naziri Sergey Lavrov və Azərbaycan Xarici İşlər naziri Ceyhun Bayramov arasında telefon danışığı baş tutub.
Ceyhun Bayramov Rusiya Federasiyasının təşəbbüsü ilə 10 noyabr 2020-ci ildə imzalanmış üçtərəfli bəyanatın əhəmiyyətini vurğulayıb və bu sənədin uzun illərdir ki, davam edən münaqişənin həllində yeni mərhələni başlatdığını qeyd edib. Nazir Ceyhun Bayramov bölgədə sülhün təmin olunması üçün davamlı səylərinə görə Rusiya tərəfinə təşəkkürünü bildirib.
Rusiya Xarici İşlər naziri Sergey Lavrov öz növbəsində münaqişənin həlli istiqamətində mühüm addım olan bu bəyanatın imzalanması ilə əlaqədar məmnunluğunu ifadə edib. O, tərəflərin bu qərarının bölgədə dayanaqlı sülhün təmin olunması baxımından yüksək əhəmiyyət kəsb etdiyini bildirib.
