Minatəmizləmə Agentliyi: İndiyədək 37400 kv.m ərazi yoxlanılıb
Minatəmizləmə Agentliyi: İndiyədək 37400 kvadrat-metr ərazi yoxlanılıb.
SəhərAzəri xəbər verir ki, APA-nın məlumatına görə, Minatəmizləmə Agentliyinin qərargah rəisi İdris İsmayılov görülən işlərlə bağlı səfər edənlərə məlumat verib.
İsmayılov bildirib ki, Agentlik 1 aydan artıq vaxt ərzində minatəmizləmə əməliyyatlarına başlayıb: “Hazırda Bərdə-Ağdam dəmiryolu xəttindəyik. Uzunluğu 25 kilometr, eni isə 40 metrdir. Bu günə kimi 2 kilometrə yaxın, ümumi götürsək, 37400 kvadrat-metr ərazi yoxlanılıb.
Aparılmış əməliyyat axtarış tədbirləri zamanı 35 ədəd tank əleyhinə mina, 41 ədəd piyada əleyhinə mina, və 2 ədəd partlamamış hərbi sursat aşkar edilərək götürülüb. Əməliyyat axtarış tədbirləri hazırda da davam edir.
Bu günə kimi ərazidən 2 xətt boyunca piyada əleyhinə mina, 1 xətt boyunca tank əleyhinə mina aşkar edilib. Ərazi, partlamamış hərbi sursatlar və minalarla çirklənmiş ərazidir. Əvvəlki təmas xəttidir. Bu gün də aparılan əməliyyat zamanı 3 ədəd piyada əleyhinə, 1 ədəd tank əleyhinə mina aşkar edilib. Həmin tapıntıların ərazidə partlayış yolu ilə zərərsizləşdirilməsi həyata keçiriləcək”.
ış olublar.
