Azərbaycanlı siyasətçi və ictimai fəal Rusiyanın Abxazya ssenarisini Qarabağda tətbiq etmək niyyətində olduğunu iddia edib.

SəhərAzəri-nin məlumatına əsasən, Bəxtiyar Hacıyev bu barədə feysbuk üzərindən yaydığı məqalədə yazır: 9 aydır Rusiya Müdafiə Nazirliyi hər gün öz bülletenlərində "Martakert, Martuni, Madagiz, Stepanakert" adlarından istifadə edir, Xocavəndin kəndlərinin adını erməni versiyasında yazır, "Dağlıq Qarabağ ərazisində", "Dağlıq Qarabağın rayonu" kimi ifadələrdən istifadə edir. Bir neçə dəfə atəşkəsdə "Dağlıq Qarabağ silahlı birləşmələri" yazıblar və Azərbaycan tərəfini atəşkəsi pozmaqda ittiham ediblər. Zəhmət olmasa, cəsarət etsin, əziyyət çəksin, ölkəyə gətirdiyi rus ordusuna başa salsın ki, ləğv edilmiş rayon adlarını yazmasınlar, "Dağlıq Qarabağın rayonu" yox, "Azərbaycanın rayonu" desinlər.