Ermənistan Təhlükəsizlik Şurasının katibi bildirib ki, onun ölkəsi Dağlıq Qarabağın Azərbaycanın tərkibinə qaytarılmasını müzakirə etməyib.

SəhərAzəri-nin məlumatına əsasən, Armen Qriqoryan “Azatutyun” radiosuna müsahibəsində Bakının Qarabağ ermənilərinin inteqrasiyası məsələsinin gündəmdə olmasında israrlı olması ilə bağlı suala toxunaraq deyib ki, separatçıların özləri bundan imtina edirlər.

"Biz də belə bir məsələni müzakirə etməmişik və mövcud müzakirələr Qarabağ ermənilərinin hüquq və təhlükəsizlikləri ilə bağlıdır”, - deyə Ermənistan rəsmisi vurğulayıb.  

Onun sözlərinə görə, danışıqların baş tutması üçün imkan yaratmaq lazımdır və Ermənistan yalnız təhlükəsizlik və hüquqları müzakirə etməyə razılıq verib.