Rusiyanın hakimiyyətə yaxın media orqanları Azərbaycana qarşı ağır ittiham səsləndirməyə başlayıb.

Bu məlumata əsasən, Kreml təbliğatçıları Bakını Ukraynaya casusluqda və diversiyalar üçün yardımda günahlandırır.

Putinin ideoloqlarından olan Duqinə məxsus "Çarqrad" kanalı və başqa media quruluşları bu istiqamətdə reportaj verib. Reportajda belə bir ittiham səsləndirilir ki, Azərbaycan xüsusi xidmət orqanları Rusiyadakı diasporanı ələ alıb və "Pautina" əməliyyatını həyata keçirməkdə Ukraynaya yardım edib.

Xatırladaq ki, Azərbaycan Respublikasının prezidenti İlham Əliyev iyulun 19-da III Şuşa Qlobal Media Forumundakı çıxışında Ukraynaya işğalla barışmamağı tövsiyə edib.