SAHAR

Azadxeber.az saytının jurnalisti İlkin Məmmədli 22 sutka azadlıqdan məhrum edilib. Bu barədə Meydan TV-yə onun yaxınları məlumat veriblər. Jurnalist xuliqanlıqda təqsirləndirilir.

Dekabrın 1-də gecə saatlarında İlkin Məmmədli yaşadığı Sabunçu rayonu, Bakıxanov qəsəbəsindən naməlum şəxslər tərəfindən aparılıb. Yaxınlarının verdikləri məlumata görə, jurnalist bazarlıq edib evə gəlirmiş: "Mağazaya düşdü, gözlədik, gəlmədi. Aldığı ərzaqlar həyətin ortasında idi. Öyrəndik ki, həyətdə zorla maşına mindirilərək aparılıb. Kimin hara apardığını bilmirik. Güman edirik ki, polislər aparıblar".