SAHAR

Sələfilərin toplaşdığı Əbubəkr məscidinin yenidən fəaliyyətə başlaması ilə bağlı xəbərlər dolaşır.

İslamazeri.com-un əldə etdiyi məlumata görə, Əbubəkr məscidinin sələfilər tərəfindən imam camaatı Qamət Süleymanov da dəfələrlə bununla bağlı kiçik məclislərdə işarə edib. Həmçinin sələfilər arasında da bu haqda (sosial şəbəkələrdə) söhbətlər gedir. Məlumata görə, Əbubəkr məscidində əvvəlki kimi Səudiyyə vəhhabiyyətinin təbliğat vasitəsi kimi deyil, QMİ və Dini Komitənin tam nəzarətilə fəaliyyət yürüdəcək; Çox güman loyal vəhhabilərlə yanaşı məscidə təkfirçi və radikallar da axın edəcək.

Tolerantlıq adına açılmasına baxmayaraq, məscidin terrorçu-döyüşçü toplayan şəxslərdən qorunması üçün yeni bir mexanizmin  yaradılacağına isə şübhə yoxdur.

Xatırladaq ki, Əbubəkr məscidində loyal sələfilik təbliğat olunmasına baxmayaraq,  bu məscidə gedib gələnlər sonradan xəvaric adlandırılan radikal sələfilərin təsirinə düşərək Suriya və İraqda radikal terrorçu qruplaşmaların tərkibində vuruşmağa yollanırlar.

Məlumat üçün bildirək ki, Əbubəkr məscidinin sələfilər tərəfindən imam camaatı Qamət Süleymanov bayram namazını Bakı küçələrindən birində qıldırıb və xütbə edib.