Qarabağ Azadlıq Təşkilatının üzvləri və siyasi fəalların bir qrupu ötən gün ABŞ-ın Bakıdakı səfirliyi qarşısına toplaşaraq saxta və qondarma "Dağlıq Qarabağ Respublikası"nın "prezidenti" Bako Saakyanın ABŞ-a səfəri və təbliğat mərasimi keçirməsinə etirazlarını bildirib.

İRİB-in Bakıdakı nümayəndəliyinin verdiyi məlumata görə, sayı iyirmi nəfər olan etirazçılar bildiriblər ki, separatçılıq və işğalçılığı dəstəkləyən ölkənin Azərbaycanda səfirliyinin olması lazım deyildir.

Aksiyaçılar öz hüquqlarının müdafiəsini vurğulayaraq bildiriblər: Bizim hüquqlarımızı tapdalayan ABŞ-ın səfirliyi bizim işimizə yaramır, səfirliyini bağlasın.

Qeyd edək ki, bir neçə gün öncə Bako Saakyanın ABŞ-a səfərinə etiraz olaraq Azərbaycan Respublikası Xarici İşlər Nazirliyi ABŞ-ın Azərbaycandakı səfiri Robert Sekutanı nazirliyə çağırtdırıb və Azərbaycan Respublikası hökmətinin etirazını ona təqdim edib.