SAHAR

Sabah Qarabağda Rusiya hərbçilərinin yerləşdirilməsinin ildönümü günü geniş tədbirlərlə qeyd olunacaq.

SəhərAzəri-nin APA-ya istinadən verdiyi məlumata görə, Rusiya sülhməramlılarının Qarabağda yerləşdirilməsinin ildönümü münasibətilə böyük tədbir keçirilməsi planlaşdırılır.

Rusiya sülhməramlılarının keçmiş komandanı Rüstəm Muradovun da tədbirdə iştirak edəcəyi bildirilir.

Rüstəm Muradov sülhməramlıların digər komandanları kimi Azərbaycandan deyil, Ermənistandan Qarabağa gedəcək.

Ermənistanın “Qraparak” nəşri bildirib ki, Rusiya Müdafiə Nazirliyi 200-ə yaxın medal buraxıb. Cənub Hərbi Dairəsinin komandanının müavini Rüstəm Muradov sabah Qarabağda keçiriləcək mərasimdə xidmətdə fərqlənən hərbçiləri həmin medallarla təltif edəcək.